مشتاقة روحي..بقلم ريمة معلا..

السلام عليكم..

مشتاقة روحي لأيام المرح..
نفسي أفرح وانسرقت فرحتي..

عالأرض انا إلي ما في فرح..
عشت العمر مظللتني وحدتي..

حبيت الخير.. لكن قلبي انجرح..
كثير الفرح علي خليني بشقوتي..

حطيت عصبة من الوجع راسي انذبح..
ولفيت هموم عمري تحت عصبتي..

روح يا كل من ظلمني وشطح..
منك لربك تغتابني بسهوتي..

الله بمنصب العدل.. ما سمح..
للفاشل يهدم حظي ويعثر خطوتي..

لكن لما الضمير مات وانطرح..
سقط الجبان من عيني ونظرتي..

يتعذب هو والشر بعيونه قدح..
وبراحة ضميري أنا سعيدة بدنيتي..

بقلمي الآن:
ريمة معلا
همس الظلال

* نبقى الآن مع موال فلسطيني..

"كلماتي من أرشيف عذاباتي"

أوف أوف أوف أوف أوووووووووووف

يا حسرة عَ اللي مضّى عمره وفي

ما نابه غير ضياع عمره والنّفي

وبرغم مصداقية اخلاصه الخفي

ينباع برخص وجروحه تنزف وفاااااااا

)
(