اللة حى
واحد وتانى مفيش
قلعت سمكم من دماغى بقيت
درويش
وان فز فيكم ميت اسد
ميهمنيش
ولو غلا سعركم هشترى ولو جيبي
مفيش
درويش
وساكن ارضكم شامم هواكم واكلكم
بس الدماغ موش منكم انا حرفوش
الله حى
واحد وغيرة مفيش
والظلم ظلمات بقا متظلمنيش
والقطر ماشي بقضبان الحديد موش ريش
ورسمتوا نخل فى الكواكب والبلح بقشيش
وطلعتوا كلام فكلام والعقل بقا شيش بيش
الله حى
واحد ومالو زى
درويش ولفيت البلاد لبست خيش
والبطن جاعت والقلم بقا منفوش
وكلمتى سيف تقطع رقاب وكروش
هربان انا من عالم مليان وحوش وقروش
الله حى
قهار وقادر على كل شي
والملك والملكوت لله
لو فاكر انها ملهاش زى
غيرك علا فى الارض
واتخبا جوا الضي
راح فين الهيلمان
والحاشية منو فل
درويش انا وكل كلامى غى
الله حى
الشاعر بسري خليفة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.