بح الصوت
خلاص من انهاردة سكوت
واللى مسمعش اللى اتقال
حرام علية العيشة بس يموت
بح الصوت
واتحشرجت الكلمات بقيت مبحوح
الأذن صماء والصوت فاقد بوح
ملعونة كلمة تخرج لوطن مجروح
والف سيف فى ضهر الحق
والصوت بقا بكاء ودموع
بح الصوت
لو فاكر ان سكتنا خوف
تبقا واهم سكتنا صوت مدبوح
وكتبتنا لناس لابيعرفو يقرو
ولا حتى ليهم فى الصراخ ممنوع
بح الصوت
واتكلم القلم وبقينا نشكى للورق
بقينا زى غريق اتعلق بقشة وغرق
والهم ماللى الحناجر وقلوب زى الحجر
ونزلنا سوق الغوازى وبيقنا زى الغجر
طبل وهاييص يا ولد يا يقطعوك زى الشجر
بح الصوت
متفرقين فى الموالد بكل شكل ولون
مولد ابو عرنوس ومولد ابو فانوس
والهرتلة فى الكلام واتعرت النفوس
والفرجة بقت ببلاش موش محتاجة فلوس
قلب بقا القنوات واتفرج على السوس
بح الصوت
الشاعر يسري خليفة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.