احترت اوصفلك..بقلم صبااح ضااحي..

احترت اوصفلك
احساسى بيك
يا شهر بركة
والخير ماليك
قبل ما تيجى 
رحتك بتهل
تعطر قلوبنا
بورد وفل

قبل ماتطل علينا بساعات
نبدأ احنا فى التحضيرات
نعلق فيها اجمل الزينات
واليميش و والتحبيشات
وقبل ده كله
نصفى النية
فى الساعة ديه
و ننسى ونسامح
كل المشاحنات
ونبدأ صفحة جديدة
من غير آهات

و ننوى الصيام
و صلاة القيام
وما ننسى طبعاً
قراءة القرآن
شهر رمضان
شهر الغفران
من الرحمن
والعتق من النيران
فرصة عظيمة
لكل إنسان

فرحة تلم شمل العيلة
على صوت المدفع نعمل
هوليله
ولما نسمع صوت الأذان
القلب يدعى ويناشد
الرحمن
يارب تقبل منا
واعفو عنا
واغفر لنا
وادخل الفرحة والبهجة
لقلوب جميع الصايمين

بقلم.. صباح ضاحى