هناا يتنبض...بقلم محمد عسل..

هنا بتنبُض قلوب الناس ..
مع الأذكار مع القرآن..
هنا القاسى يكون حسَّاس..
هنا الإنسان يكون إنسان ..
هنا الأرواح تصلّي تصوم..
هنا بننسىّ الخصام واللوم..
هنا بنُعبُد إله منّان ..
هنا بنرتاح مع التراويح ..
هنا المركب تخافشى الريح ..
هنا ولا حد ممكن يوم..
هايبقىّ جعان..
هنا بنرفع كفوفنا لفوق ..
هنا بندعي لحالنا يروق..
هنا بنسمع لضحكة روح ..
ترن كمان ..
هنا بترتاح نفوس لنفوس..
هنا أكبر عدو محبوس ..
هنا لو بيت مفهش فلوس...
يبات شبعان..
هنا حسنات بدون أعداد.
هنا بنسجُد هنا غُفران..
هنا قلبك هايبقى قنوع..
هنا شمسك هاتنوى طلوع..
هنا الرايح إلى الجنه..
هنا رمضان.

• بقلم.. محمد عسل