..الأسعار والجنون.....
بقلمي /عبدالسيد عبدالفتاح حامد
نقوم من النوم نطمن
خلاص الناس هتجنن
وعشنا الحياة عرض وطول متاهات
تهنا بين سنة وفرض
شايفين الأرض
طارحة شوك وعقبات وأزمات
الهوا ليه تسعيرة جبرية
ورشوي وأكرامية سرية
والدعم مشنقة طالت كل الحاجات
ناس سايرة وناس دايرة
وناس ليها مواويل وحكايات
وناس عايشة النار
بتسأل علي الأسعار
وعايشة الحياة كما الأموات
وناس ركبها الوسواس
والحليم أصبح محتاس
والموت صار غاية و أمنيات
والغلا كان هو البلا
لما غليت علينا كل الحاجات
في بلد ضاع الحليم
وصار اللئيم
أقطاعي يمتلك طيارات
شفنا العذاب
لما غلوا علينا حتى التراب
وقالوا أنه مدعوم بعملة صعبة ودولارات
غلوا علينا حتي الهوا
صارت زكرى الدوا
أثر نشوفه في الصيدليات
في بلدنا قيمة مضافة علي الكلام
ورسوم ودمغة وغرامة علي المحبة والسلام
وضريبة حتي علي الصمت والسكات
بلاش غباوة
علي الهمس أدفع آتاوة
وعلى اللمس رش بسخاوة
وضريبة مبيعات علي السكون والحركات
ضربية علي الحي ليه يعيش
وضريبة ميراث علي الاموات
ضريبة الرقاد في التراب
نومة التراب صارت حلم وامنيات
ما هو الميت موش سلمان
تحت التراب مقهور ندمان
يصرخ يقول
شيلوا العظام والرفات
والست الحامل عليها رسوم
ليه بتحبل لما نحن في بلدنا نصوم
دفعوها عملة صعبة وجنهات
قصدهم ليه أحنا نعيش
خايفين لا يبقي لنا جناح وريش
ياكلوا هما وأحنا ننسى كل الحاجات
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.