سخونة دمعه
القلب بيسأل العينين
ليه دموعك ساخنه
قالت قايد فيك نارين
ولامش عايش المحنه
فراق الحبيب راح فين
مع انك عارف مكان قبره
كان سند الحياه وعون
ومقلة العين ورمز المحبه
رحل عنا من شهور ويومين
وما نشفت على الخد دمعه
وسامع بكائك وصوت الانين
صبح وليل وكل لحظه وثانيه
والا انت عامل نفسك رزين
حتى الجوارح تصبر وتهده
وتكاليف الحياه ربنا يعين
جعلت العيشه علينا صعبه
ناكل يوم ونسلك يومين
يمكن ربنا يفرجها من عنده
لا لبس ولا دواء وادين عيشين
وانت بتدور على سخونة دمعه
يا رب يحرق كل واحد ملعون
فسد فى البلد ووصلنا للخنقه
لا شغل ولا عمل ولا يحزنون
ووقف الحال وكله صار فى ورطه
اه يا قلب من غدر السنين
والشعرات المزيفه طلعت اونطه
انت يا قلبى عايش حزين حيران
وبتشتكى للخدين من سخونة دمعه
محمد الصيرفى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.