_____________ ناكر الجميل __________
متستاهلش أعاتبك
عشان ناكر الجميل
وخسارة كمان أحبك
وأجيب سيرتك وأقول
انا اللي سهرت جنبك
وعشت نهارك ليل
وكنت أطيب قلبك
وأخاف عليك من الأه
والقاك تسقيني غلبك
وتحرمني من اللي بتمناه
متستاهلش مره أعاتبك
عشان ناكر الجميل
واللي جراللي بسببك
وأثبت عليك بالدليل
مستحيل أبقي بقربك
أو مره تاني ليك أميل
أو في يوم أحاسبك
لأني مش راجع ليك
كفاية إتحملت ذنبك
وانا كنت بخاف عليك
وانا مش في بالك أصلا
واللي عملته متمرش فيك
يبقي أذاي أسمعك أصلا
ولا تاني أشوف عينيك
الذكريات ح شطبها فعلا
وأي حاجه تربطني بيك
___________________________
......... الشاعر حسن الشوان ........
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.