ماتزعليش
ياحبيبتى ما تزعليش
لما أقسى فى يوم عليكٍ
أو أشتم حتى فيكٍ
أوعى تقولى ما بيحبنيش
أنت ولدانك ما بتستحيش
مع الساده بتكونى سخيه
وليه معاى مستحيه
لما أطلب ما بترفضيش
بتمرمطينى علشان ما أجيش
ومع الساده ما بتستحمليش
يبقى لما أشتم ماتزعليش
تضمى وتحمى أل بينهبوكى
وأنت عارفه أل بيسرقوكى
وبنوكهم ما بتتمليش
وأنا عاوز بس أعيش
أمجاد تاريخك ما تتنسيش
وهمه خلوكى ما تساويش
يبقى لما أشتم ما تزعليش
أنا بعتب بس عليكٍ
أى محنه تمر بيكٍ
دمى يجرى بين أديكٍ
وفى شدتى ما بتشفيش
أنا عايش جوه منك
ما أقدرش أستغنى عنك
وهمى هو همك
بس أعدلى بين ولادك
ماتسبيش واقف بباك
وأن كرهوكى ما تصدقيش
أنا بس عاوز أعيش
يا حبيبتى ما تزعليش
كابتن |سعيد عبد العزيز الحاجه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.