حلم للشاعر ابراهيم خليفه رمضان
خديني ..
وفرشيني حلم
تلملمي بيه دمع البنات
تفكي ضفايرهم
يبللوها
علي شط ترعه
.. بتاخد حلمها م النيل
دبلان زرع الغلابه
لما..
النياتي مات..
رددوه مواويله !
ولساني بفرشني
حلم ليل غضبان علي كفك
وانا كنت با حبيبتي ..
بفردك فوق ضلوع الوجع ..
فرحه .. نسمه تغافلني
اضم نفسي ليكي
ورسمك مركب
لكين آه..
شمس المغارب
ضامه حلمنا باهت
في كوشه وكفن عريان
ودي
توهه ودوامه
بتاخدني انا وانتي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.