أم الشهيد
الدموع اتحجرت
ف عيون أم الشهيد
والقلب انجرح
بغياب الحبيب
مش عارفه
تقول إيه للحفيد
اللى ذرف الدمع
وبيسأل:أبويا فين؟
أبويا إتأخر قوى
أبويا فين ياتيتا
هو غاب ليه؟
هيجى إمتى؟
وهيجبلى معاه إيه؟
أبوك ف السما
عند ربنا شهيد
سأل الحفيد:
يعنى إيه شهيد؟
وقف الكلام....
ومش عارفه تقوله إيه؟
يعنى راجل ابن راجل
ضحى بروحه
عشان نعيش
ضحى بدمه لأجل الوليد
ميعيش سعيد
ياأم الشهيد:
ابكى على ضى العين
اللى دمه ف رقبة
الندل الجبان
ابكى ع اللى روحه
هايمه ف السما
بين إيدين الرحمن
دا الملايكه حواليه
تزفه لحور العين
ياأم الشهيد
إفرحى هيخدك معاه
أما الندل الجبان
اللى قتل وخان
وقبض تمن الإجرام
اللى سفك دم
حرمته الأديان
ياويله م الديان
ياأم الشهيد
منى قلبك
بيوم اللقا
وأكيد هتكونى معاه
ف جنة الرحمن
بقلم :محمد حجاج
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.