- طبق بيض سليم وقلب ابيض برئ نايم
- بوش متعفر بتراب الحياة محسور..
- أنا لما شافته عينيا يا عينى سالت
- دموعى وقلبى طبق منى ومكسور
- اقول بس ايه فى اولاد الحرام
- بلاش اسكت وخلى الطابق مستور...
- حن الجدار له وميل بحضن
- وكان الصدر الحنين حجر سور..
- يمامه من غير عش طايره بتطلب راحه
- حطت جناحها على ارض متشققه بور...
- يتيم مولود فى ضيق
- ولما مات ابوه ما دقش مره سرور..
- الدنيا بتلف بيه يا عينى زى الحصان
- متعلق بيجر فى الزحام حنطور...
- بص وشوف بعين رحمه لفقير
- يمكن يرق القلب با عديم احساس مغرور
- دنيا غروره بتاخدنا كل واحد
- شويه شويه ودور ورا دور....
- يا قاسى وقلبك حديد
- ايام قليله تعشها وبكره تروح و تغور...
- يا باكى وقلبك حنين وفيك خير
- حتى ولو ضاقت بكره تشوف نور..
- ارحم يتيم واعطف عليه واشفق
- مين عالم ممكن يكون ولدك عليه دور..
- عرفت ايه ومين هى دنيا دى حلمك
- الفانى يا غافل متلخصه فى سطور...
- آه يا بلاد فيك الولد ضايع وقرشك
- تحت البلاط عفن مدفوس ومسرور..
- بس بيطلع يرقص ومتحزم رزم
- فى صالة قمار دايما ومخمور....
- بكره يطير زى الحمام على بطون
- عريانه بتتهز ويتصرف فى الحرام ويفور...
- بقلم مراد مصطفى مراد
جريدة رواد الغد الثقافيه رئيسا مجلس الادارة م/علاء العجمي أ/نداء الرؤح
الجمعة، 27 مايو 2016
شوية رحمة ياعالم .. بقلم : مراد مصطفي مراد
الاشتراك في:
تعليقات الرسالة (Atom)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.