ليلة وهمية..بقلم محمود عمار الزلبانى..

** ليلة وهمية
===================كلمات \محمودعمار الزلبانى
فى ليلة شتا
وفى عز البرد
سحبت دموعى تغطينى
تدفينى
أغطى قدمي
يطل المخ
أغطى المخ تبان أحشائي
وبرد سنيني
عاقد صفقة مع الأسنان
جبت حكاية قديمة
فاكر اني ف مرة
عليها بكيت
يمكن أقدر أكمل
بيها غطاي روحت أدور جوى
حكايتي
على موال
على اغنية قلب حزين
روحت أدور ع الدمعة اللى
احتارت جوى العين
يمكن ألاقى البنت
اللى سهرت عشانها سنين
أو باقى الكلمة اللى
ف مرةقالتها
وكانت سر الدمعة
المحتارة
خسارة
كبيرة
انى ف عز البرد
أحتار على دمعة
أكمل بيها غطاي
أتريني
بأحكى
حكاية لسه معادها
ما جاش
وسنانى بتعزف
ألحان البرد
فى عز الصيف
ازاي
حاجة غريبة
ان الشتا والصيف
غيروا المواعيد
قولت لنفسي
أكمل ليلتى البردانة
وأستنى الشمس
السهرانه
مش عارف فين
لقيت الشمس معايا
بتعند
عجبتها السهرة
الوردية
ليلة امبارح
والظاهر
ان ليالي شتاي
كلها عنديه
=======================محمودعمار الزلبانى

•