صلوا على خير البشر..بقلم رضا الغيط..

صلوا علي خير البشر
صلوا علي سيدنا النبي
اللي هواه جزع الشجر
وشفاعته هي مطلبي

الله علي يوم اللقا
في حضرته خير الوري
الله علي أجر التقي
لقلوب بحبه منوره

يا طه ماشي في سكتك
ومعايا أهلي وصحبتي
قرآن... وجنبه سنتك
نور طريقي ودنيتي

قاصد كريم ألقي النجاه
وأعرف خطاوي سكتي
وبعد مشوار الحياه
الجنه تبقي أخرتي

علي حوض جنابك يا نبي
يبقي اللقا ويا الحنين
وألقي شفاعتك مكسبي
وأشوف جمال طه الأمين

يا موحدين صلوا عليه
واتمنوا نظره من عينيه
ده لو نظر لينا النبي
الفرح كله هنلاقيه

صلوا علي خير البشر
صلوا علي سيدنا النبي
اللي هواه جزع الشجر
وشفاعته هي مطلبي

رضا أبو الغيط