تايهة يا ناس...... بقلم الاستاذة // حنان امين

تايهة يا ناس
فى الدنيا
ما ليا دليل
شايلة هموم
على كتافى
تهد الحيل
اعز احبابى
ورانى معاه الويل
لا شفت معاه
فى يوم راحة
و قلبى عليل
اقول بكرة هتتعدل
والاقى اللى يعدل
المايل وكل
همومى تتبدل
وعنى للحمول شايل
ويغزل توب الفرحة
ومعاه الف الكون
رد قلبى وقالى
كفاية بقى عليا هموم
مش هتلاقى الحب الباقى
ده كله كلام فاضى
ولا شئ فى الدنيا يدوم
رضيت اكون شايل
ولهمك انا حامل
ما انا وانتى واحد
والفرح والهم
بينا مقسوم
حنان أمين