اغتنم الفرصة العمر واحد ..مقالة
بقلم ربيعة المالكي حياتك ملك ليك لوحدك ماتخليش حد يرسمهالك .. ماتسيبش نفسك في إيد حد مش أمين عليها ..
ماتعيش عمرك كله عبد لحد مش مقدرك
من حقك تتقدر زي مابتقدر ياإما بلاها
ماتخليش نفسك ظل لحد .. إتعلم وإشتغل بإستمرار .. إوعي تعمل من سنك سبب يخليك تبطل تتعلم ولا تقول كفاية .. قال تعالى " وقل رب زيدني علما ".. التعليم مابيقفش عند سن معين طول مافيك نفس وقادر إتعلم .. انت ماتعرفش هتموت امتى وده من رحمة ربنا بينا يبقي ليه تسيب فرصة إنك تتعلم شئ مش يمكن الشئ ده يكون خير ليك ولغيرك مش يمكن العلم ده يكون العمل اللي هيدخلك الجنة ..
دور دايما علي الشئ اللي هيزود من عزيمتك وطاقتك .. حول الطاقة السلبية اللي جواك لطاقة ايجابية .. لو نظام حياتك فيه بعض الديفوهات غيرها بدلها حسّنها .. العب رياضة .. نام بدري واصحى بدري .. حافظ على صلواتك ..
حتى الصحاب ابعد عن الصاحب اللي هيضيعلك وقتك او يحيدك عن الطريق اللي انت رسمه لنفسك او يهبط من عزيمتك .. خلي الموبايل شئ ثانوي في حياتك ..اتقي ربنا ف وقتك وف نفسك وماتنساش تبتسم للحياة علشان تقدر تكمل .
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.