آه يا ضنايا ......محمد العربى

آه يا ضنايا 
قلبى بيصرخ لجلك يابنى 
فين أحلامك و انت ف حضنى 
ليه برصاص الغدر يصيبك 
ليه و تراب الأرض ف ايدك 
ضعت وضاع حلمك يا ضنايا
كنت بشوفك و انت بتجرى
لمَا تروح و تقرَب يابنى
دانت كلامك هزَ كيانى
لمَا تقول و تعيد من تانى
أيوه أكيد للظلم نهايه
لسه خيالك ادام عينى
لمَا تقول نفسى و منى عينى
شمس الحق تبان من بدرى
ايد على ايد بتعللى و تبنى
ليه م نقول للشر كفايا
أشكى لمين دنا بشكى لربى
بطلب منَه يخلَص ذنبى
دمعة عينى تبات على خدَى
وللا النار تكوينى ف صدرى
و مين حيطفَى النار جوايا
آه يا ضنايا
مين حيطفَى النار جوَايا
ليه منقول للشر كفايا
أيوه أكيد للظلم نهايه
بقلمى \ محمد العربى