شعر عامى بعنوان ( ارض ثابته )
صارحتنى قولت بحبك هزتنى من جوايا
رسمت عليا بسمه شفايفى احلى ضحكيا
رسمتك جوه قلبى صوره بين الحنايا
تجرى بين ضلوعى دم بين الثنايا
حبيت هواك ودبت وداب قلبك معايا
كنت اقولك تعبت تقول تعبك فدايا
بس خسار الحلم يروح من هوايا
بعد مكنت عشقك وكنت فى يوم منايا
استغليت فيا طيبتى وقفلت عينى عمايا
مش عاوزه شئ منك ولا بقيت دوايا
انا عاوزه ابعد عنك مبقتش هنايا
انا طير بيطير بس يطير بسمايا
ينزل على ارض ثابته ويقولك كفايا
كفايه كدب وغش زرعت لضحكتى بكايا
متفكرش ترجع يوم مالكش خلاص سوايا
بكره هتندم وتقول يا ريتك فضلت معايا
وتكون مقهورحزين وازرع لحلمى منايا
رميت حبك بعيد ورميت نفسى ورايا
اشوفك العمر تبكى وانا اكون روايا
يحكيها كل جيل تتكتب بين الزوايا
***************************************
بقلمى // شيماء خليفه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.