قصيدة بعنوان .... طلبي والغالي يرخصلك ....بقلمي .... مهداة لأبنتي بتول الأصفر بمناسبة عيد ميلادها ....
...............................
شو بدك بعيدك قدملك هدية ....
طلبي والغالي يرخصلك يا صبية ....
لو طلبتي النجمات من العالي بقطفها ....
وبزين فيها ضفايرك البنية ....
ولو طلبتي النسمات بغزلك منها شال ....
يهفهف على كتافك بروايح عطرية ....
ولو طلبتي تشربي من مية الغيمات ....
رح شربك المي بكاسات فضية ....
ولو طلبتي مني لملم الزهرات ....
يلي بهالدني تا قدم هدية ....
رح لملم منها أحلى وأجمل الألوان ....
بلون عيونك وشفايفك الزهرية ....
وأهديكي مني أرق وألطف القبلات ....
واطبعها على جبينك وخدودك الوردية ....
ورح اكتبلك قصيدة من أجمل الكلمات ....
وقلك بنتي حبيبتي يا نور عينيي ....
انشا الله العمر كلو وتعيشي بأمان ....
والعمر المديد والشمعات مضوية ....
وبتمنالك الخير بكل الأوقات ....
وتعيشي بهالعمر معزوزة ومحمية ....
وتغمرك السعادة ويكللك النجاح ....
وتهل عليك المودة والحنية ....
وشوفك بأعلى المراتب وست الستات ....
ومهما كبرتي تبقي زهرة ندية ....
...............................
ملك الأصفر
...............................
شو بدك بعيدك قدملك هدية ....
طلبي والغالي يرخصلك يا صبية ....
لو طلبتي النجمات من العالي بقطفها ....
وبزين فيها ضفايرك البنية ....
ولو طلبتي النسمات بغزلك منها شال ....
يهفهف على كتافك بروايح عطرية ....
ولو طلبتي تشربي من مية الغيمات ....
رح شربك المي بكاسات فضية ....
ولو طلبتي مني لملم الزهرات ....
يلي بهالدني تا قدم هدية ....
رح لملم منها أحلى وأجمل الألوان ....
بلون عيونك وشفايفك الزهرية ....
وأهديكي مني أرق وألطف القبلات ....
واطبعها على جبينك وخدودك الوردية ....
ورح اكتبلك قصيدة من أجمل الكلمات ....
وقلك بنتي حبيبتي يا نور عينيي ....
انشا الله العمر كلو وتعيشي بأمان ....
والعمر المديد والشمعات مضوية ....
وبتمنالك الخير بكل الأوقات ....
وتعيشي بهالعمر معزوزة ومحمية ....
وتغمرك السعادة ويكللك النجاح ....
وتهل عليك المودة والحنية ....
وشوفك بأعلى المراتب وست الستات ....
ومهما كبرتي تبقي زهرة ندية ....
...............................
ملك الأصفر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.