ياخاين العشره.....حمد اسماعيل

ياخاين العشره
ياخاين العشره ياقادر
نفسى اخاصمك مش قادر
وحبى ليك كالموج هادر
بتخونى وبتقسى عليا
طول عمرى شايلك ف عينيا
وماليش غيرك فى الدنيا ديا
طول عمرى احايلك واجيلك
وامسح دموعى فى منديلك
وكأنى عبدك وذليلك
والقلب ينشد مواويلك

وانت ولا دارى بحبى
وكل مناك تكسر قلبى
وبتفرح لما تشوف غضبى
اتتمنى ليك ألف سلامه
ياسايب فى قلبى علامه
مش راح احاسبك بملامه
بكره هاترجع بندامه
وتكون وديع مثل حمامه
ساعتها راح افتح قلبى
تسكن فى الركن اللى ف جنبى
ساعتها راح انسى عمايلك واقول لاذنبك ولاذنبى
شعر احمد اسماعيل / شاعر العرب