ماضى ودعته بقلم /همس الشريف
لسه فاكر الحب والغرام ﻻ دا كان زمان
أيام عشقنا والهيام وسهر الليالى والأحلام
أنت فاكر بهمسه بنظره هتعيد اللى كان؟
ولا قلبى يديلك تانى الامان؟
مشاعر وماتت خلاص
ومش هبكى على ناس متعرفش معنى الاخلاص
بتفكرنى بالحب والغرام ؟ ﻻ دا كان زمان
أيام ماكنت مخدوعه فيك وقلبى ملك ايديك
أنا مش لعبه فى ايديك تبيع وتشترى فيا ولو روحى فيك
دوست عليا وبعتنى
وراجع تقول بتحبنى لا كفايه عذبتنى
حبك كأس وشربت المرار فيه
من الهوى وكدبك وعذاب لياليه
كدبه فى كدبه لما راح الهوى ويا الجراح
راجع تانى ليه ؟ لقلبى تعذب فيه
راجع تقول أنا حبك اللى كان
لا أنت حبك كان ياما كان
دوست عليا ونستنى أوام
أبعد وسبنى فى حالى انسى
اللى بنا كان ياما كان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.