الحكايه باختصار ..بقلم أ.وليد الجوهرى

الحكايه وباختصار
شاب عاش عمره فى مرار
كان بيضحك كتير لكنه
جوه منه فى قلبه نار
من يوم ميﻻدى يا دنيا فيكى
عايش وحيد رغم الزحام
بضحك سعات من كتر حزنى
بصرخ كمان من غير كﻻم
كل حاجه اختارتها
بتجيلي مش فى وقتها
حتى حبيتة عمرى كله
غصب عنى لغيرى
 انا سبتها
قولت امشي واسيب بﻻدى
يمكن فى يوم ارتاح
كنت فاكر الغربه عادى
اتاريها بحر من الجراح
مابقتش تفرق عندى خﻻص
مليت من الدنيا واﻻعيبها
حتى القلوب مافيهاش اخﻻص
عايش فى الدنيادى على عيبها
الحكايه وباختصار

وليد الجوهرى