- قصيدة.........((وجع))
- عجوز خلاص شاب
- و شاب بروحه عجوز
- وجع مليان بحسره
- و دنيا لويالنا البوز
- و بنت و اديها باعت
- لقارون بمال و نفوذ
- و شاب و كان ثابت
- يسند كتفها المهزوز
- لكن الحب في بلدنا
- بهايم بشقق و كنوز
- ساقيه و دايره دواره
- مزاد و جاريه لو هتعوز
- و قلب صار حجر صوان
- عل القهوه بصوت فيروز
- و فايته الناس و منفاته
- علي وجع قدرك المهموز
- و كفك أصبح كف عجز
- و صوتك وهمك إنه الفوز
- و شاعر مش كلام فاضي
- لكن قصيد سهمها المغروز
- بنت تكون شدتك سندك
- و بنت حياتها محن و روز
- و حب كان بوسع الكون
- و قصه عروسه و أراجوز
- بلد ولهانه بالقسيه علينا
- بتتشطر علي قعر الكوز
- مجتمع ساكنه دبابير
- و كله سلطه لبن بالموز
- العجوز لساه شايب
- و الشاب روحه عجوز
- و انا مازلت بكتب شعر
- عل القهوه وصوت فيروز
- و انا مازلت بكتب شعر
- عل القهوه و صوت فيروز
- #عبد_الله
جريدة رواد الغد الثقافيه رئيسا مجلس الادارة م/علاء العجمي أ/نداء الرؤح
الثلاثاء، 20 سبتمبر 2016
قصيدة وجع .. بقلم : عبد الله جمال
الاشتراك في:
تعليقات الرسالة (Atom)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.