وسط الزحمة...بقلم ميلااد موريس..

" وسط الزحمة "
شايف الزحمة! مبسوط جواها؟
فرحان والدنيا بتضحكلك
علشان حبيتها وحبيتك وتخاف
لا الوحدة تقربلك
بتخاف لا تعيش محتاج حاجة
وتخاف لو صاحبك يوم خانك
بتخاف لا القلب يعيش ميت
او حاجة تكتر احزانك
بتخاف م القلب لا يتعشم
بتخاف لا تسيبك وتسيبها
بتخاف دايماً علشان حالتك
بتخاف لا تقرب يوم منها
عَرفت الدنيا انك عايش
وكَترت كتير اوي احلامك
لا تعيش فرحان كدة وياهم
لا تموت وتراجع اوهامك
الفكرة ف اللمة الحلوة
ان انت شايفها من بره
طول عمرك مبسوط جواها
مش شايف اصلها من جوة
اصحابك اللي انت شايفهم
حابينك علشان وسطيهم
شايفينك اللورد بتاعهم
عايزينك متعلق بيهم
اصل انت مصلحة مشتركة
هتسيبهم مرة هيتضايقوا
جرب تنساهم كام مرة
هايجولك برضه ويتحايلوا
لو كنت فاكرهم حابينك
الرؤية اهي واضحة قدامك
كفاية وعيش عشان نفسك
دي كرامتك غالية وعلشانك
هتيجي ساعة وكله بيتحاسب
وكمان الوقت مش ثابت بيعدي
القطر الجاي مبيشوفشي لو فجاة
وقفت قدامه عمره ما بيهدي
كلمات : ميلاد موريس