قبل مانحكي أي حكاوي
قبل مانسمع أي غناوي
أوعي تفكر أن أنا غاوي
اصطاد اخطاء
بس حرام يكتبلك شاعر
كلمات مفيهاش أي مشاعر
أصل كلام الحب ده واعر
مش املاء
وحرام تلقي الست أطاطا
بتلمح وكمان بألاطة
للأعراض وبكل بساطة
ولا الحرباء
وحرام ييجي شاويش وبوليس
يلزق لك تهمة تدليس
د.أحنا ياناس بتوع الاتوبيس
ولا أحنا وباء
وحرام ييجي عريس بلا افية
ممكن يتجوز بالعافية
وأنت تقوله حماتك حافية
وتبقي خناق
وحرام ترمي بناتك جنبك
مين في الآخر حيشيل ذنبك
مش راح أقول ذنبك علي جنبك
أنا مستاء
أوعي تقول تعليم مجاني
لو قلتها راح اقول د.أناني
درس خصوصي وشوف ايه تاني
ماهي أرزاق
أوعي تقول توفير في الميا
د.الايام السودة أهي جاية
أنت مافي في قلبك حنية
ولا أخلاق
أنا قلتلكم بعض حاجات
سامع واحد بيقول هات
ابدء صلح بلا تفاهات
بحاء والباء
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.