الأرزاق على الخلاق بقلم الأستاذ محمد المنفلوطى

-----------------------------
بروقراطيه وروتين فى كل حته
زي العجين يتشكل فى كل سكه
والفساد ماله حزام ولا دكه
الأحكام ما فيها تسريع
والنواب ما بتعمل تشريع
فى الاستجوابات هايمين
قوانين لمنع الفساد نايمين
والدق عالفاضيه ويسيبوا المليانه
لغاية ما جيوبنا بقيت عريانه
من روتين زى العجين
لازم من قوانين شديده
على اللى خلونا على الحديده
السبب واضح وصريح
لفساد أقوى من الريح
فساد العهد البائد
ما جعل مصايبنا زادت
غير الخلفه وعدد السكان
فكرونى بالمثل بتاع زمان
يارب اعطينا قرش
ناخد من الستات كرش
والرجال ما تهش ولا تنش
المشكله فى عدد السكان
والروتين بتاع زمان
وكل الفاسدين من الحيتان
لازم من حلول جذريه
وتحديد النسل اجباريه
ومؤبدات فوريه
لسارقى أراضى الدوله بطرق بلطجيه
فين النواب من المعادله ديه
مطلوب سرعة قوانين شديده
لأمور خلتنا على الحديده
وعايزين نشوف مصر الجديده
ونشوف أجيال طالعه سعيده
مش زينا بعنا الحديده
**************