وديعة ..وديعة..بقلم أ.معوض حلمى

:: وديعة ... وديعة ::

إستودعت وديعة حبي
عندك وحدك إنت ياربي

تحفظ ناسي وتحفظ أهلي
وتزيد حبه محبة ف قلبي

ويجي عشاني يخطب ودي
يطلب إيدي ويدفع مهري

وتخليني ف قلبه تملي
يعشق همسي ويحلم زيي

خليه دايما ساكن ضلي
علشان يطرح وردي وفلي

ويخليني أميرة ف قصري
ويبقى أمير أحلامي وعمري

وان يوم حس بذلي وقهري
يجري بسرعة ويسند ضهري

واسند ضهره لو يحتاجلي
وتحضن قلبه نسايم عطري

واسهر طول الليل مستني
حيران بين أوهامي وظني

إمتى هايجي ويحرس قلبي ..؟
إمتى تدوب ف عيونه ملامحي ..؟

إستودعت وديعة حبي
عندك وحدك إنت ياربي

تحفظ ناسي وتحفظ أهلي
وتزيد حبه محبة ف قلبي
                               ~~~~~~~~~~~~~
بقلمي ..
معوض حلمي
منشأة بطاش
تمي الأمديد
دقهلية