همسة عتااب..بقلم محمود كامل مصطفى..

همسة عتاب
ءءءءءءءءء
إيه يامصر جرالك إيه إنت مالك خيبتى ليه
ليه ولادك بعدوا عنك كلهم بيفكوا منك
والوطن بيهمّلوه
والأكاده بيبقوا ساده فى العلوم وفى الرياده
وزى ما نسوكى نسوه
كلهم فى بلاد بعيده .كل واحد فذ صيده
يعلموه ويستقطبوه
وأما ييجوا بتبقى إنت لسه نايمه وزى ما إنت
فى العسل وبتلحسيه
ياعسل خمران وفايح ريحته ضاربه من الفضايح
مش كفايه الجرسه دى
إسألى جيرانك عليكى اللى عدوا وسبقوكى
وبكرمنا عملنا إيه
إقفلى بابك كفايه لو سمحت وشوفى دايه
تولدك جيل م البدايه من جديد تانى تراعيه
كل نابغ من ولادك ولا موهوب فى جرابك
أرجو منك تحضنيه
وإبعتى همسة عتاب للولاد وللشباب
واسأليهم مشيوا ليه
إعرفى مين اللى سابهم
مين سبب قلة ولاءهم
للوطن لما باعوه
مش خساره يامناره كنت فاكراها شطارة
تخسرى ولادك وليه
إرجعى تانى لعهدك جنب ناسك ويا أهلك
واللى كاره إطرديه
ع العموم لسه فى إيدك ترجعى تانى لوليدك
وإوعى تانى تهجريه
‫#‏محمود‬ ‫#‏كامل‬ ‫#‏مصطفي‬