الظلم ليه بقلم محمود كامل مصطفى

الظلم ليه
ءءءءءء
الظلم ليه؟ 
و القتل ليه؟ 
و الحرب ليه؟
و ليه فلوس بتضيع
بكام مليار جنيه
و القنابل تترمى
م الطيارات
و الخراب
فى كل حته
و الجحيم تحت الغارات
كل ده حق الغلابة
ليه بياخدوه الديابة
و المسمى يبقى ايه ...؟!!!
انهم ولاد .... الإيه
كل بيت أحزان و ميتم
كل شارع بيت تهدم
ع اللى فيه
شوفوا الثكالى و الأرامل
و اللى سايب زوجة حامل
كلهم من غير رجال
و اللقا أصبح محال
و الأمل حبله انقطع
و الدمع سايل
و الوليد فى الحبل واصل
لسه مش دارى اللى حاصل
فين أبوه سيدالرجال
و هيعمل ايه وسط العيال
لما يسمعهم يقولوا بابا جه ....
السلاح بقى شيءخطير
والبشر بقى له اسير
جوه حرب و طال مداها
و اللى جات له منها عاهة
و الضحايا بقم كتير
كل لحظة يموت شهيد
و البطل هو الوليد
اللى سابه أبوه وواجه
من زمان نفس المصير
كلهم ماتوا و ولادهم
الشهادة تمللى زادهم
و الحجارة بارود سلاحهم
الله حى بكرة جاى
بكرة هتعود الإبتسامة
بكرة تترد الكرامة
بكرة نتجمع نصلى
فى الحرم مهد الديانة
كلنا هنروح نقدس
بكرة فى كنيسة القيامة
‫#‏محمود‬ ‫#‏كامل‬ ‫#‏مصطفى‬