- حكايتي بدأت بالحنان .وبحب دافي
- حياتي مليانة بأمان..... والرزق كافي
- وبابا قاللي أنا ألزمان وأوعاك تخافي
- .....................
- عيشني ولا عيشة ......الاميرة
- الحزن عمره ماجاب لي سيرة
- ولا دقت حيرة.وعذاب وغيرة
- وكان سلاحي .....مع الشيطان
- أيماني ......وأحلامي الكبيرة
- ......................
- خدني نصيبي وكان نصيبي محترم
- عيشني احلي سنين حياتي ...كفاية
- أن أنا في الحرم................تعب كرم
- لقيت حياتي في..... دوامتها بتنفرم
- ......................
- تاني حزن دخل في قلبي......... بعد أبويا
- كات أخت واحدة وهو كان أهلي وأخويا
- ...................
- قلت الولاد هما نصيبي ومكسبي
- يارب تحفظهم ....بحق جاه النبي
- هما حياتي. وهما أهلي ومطلبي.
- ...................
- عدت سنين وفضلت أواجه في الزمن
- غلطة زماني....... وأنا اللي بدفع الثمن
- ملقتش حد جنبي........ علشان يؤتمن
- .....................
- عدت سنين مالقيت..... مفر من الجواز
- وكأني عايشة انا وولادي في بيت أزاز
- ................ّ...
- ظهر لي واحد.... وافتكرت انه يناسبني
- مفيش حد شافه .....الا اما كان بيعاتبني
- فضلت أسأل روحي .والله ما بتجاوبني
- ..................
- عدت سنين.. وبدأ علي أصله يبان
- أنسان خسيس ...وندل كمان جبان
- متمرش فيه اللي عملته معاه زمان
- ....................
- الحمد لله....... .أهو اخيرا بقيت براحتي
- متزعلوش مني ولا تزعلوا من صراحتي
- ...................
- طارق عطية
جريدة رواد الغد الثقافيه رئيسا مجلس الادارة م/علاء العجمي أ/نداء الرؤح
الثلاثاء، 10 مايو 2016
حكاية ارملة بقلم : طارق عطية
الاشتراك في:
تعليقات الرسالة (Atom)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.