مراهقة في..بقلم المهدي العمري..

مُرَاهِقَة فْ سِجْنْ الْمَاضِي:
مُرَاهِقَة سَاهْيَة فْ مَاضِيهَا تْفْكّْرْ
فِيهْ عْذَابْ وْ ظُلْمْ مَاضِي شْرّْ
مَذَاقُو فْ ظْلْمَة وْ نَارْ كُلُّو مُرّْ
مَا بِينْ الدِّينْ وْ الْجِنْسْ كَبْتْ يْمْحّْنْ الْحِسّْ
إِينَا طْريقْ فِيهُمْ تَّاخْذْ وْ تّْعْلّْمْ الدّْرْسْ
وْ أَسْوَارْ الْكَبْتْ عَالْيَة وْ الْفِكْرْ كُلُّو نَحْسْ
يْنْبْضْ قْلْبْهَا للحُبّْ يْتّْقْلْبْ لْ غُولْ الْهْوَى
فْ الْقْلْبْ النَّارْ تْشْبّْ وْ الشَّرَفْ يْضِيعْ بْ الْهْوَى
مْرَّة بَابْ الدِّينْ تْدْقّْ وْ مْرَّة بَابْ الْهْوَى تْطْرْقْ
وْ تْقُولْ الشَّرَفْ مَا بْقَى لِيهْ مْعْنَى وَ لاَ حَقّْ
هِيَ غَرِيزَة جِنْسِيَّة فِينَا لاَزْمْ مَا نْعْطِيوْهَا الْحْقّْ
وْ إِيلاَ فْ عِلْمْ النَّفْسْ سْوّْلاَتْ عَالِمْ فْرُويْدِي يْنْطْقْ
يْقُولْ عِيشِي حْيَاتْكْ وْ لاَّ غُولْ الْجِنْسْ يْسْرْقْ
مْنّْكْ نْفْسْكْ وْ ضِّيعِي وْ يْوْلِّي عْقْلْكْ حْمْقْ
ثَوْرَةْ فُرُويْدْ تْسْيْطْرْ فْ عِلْمْ النَّفْسْ وْ تْشْرْقْ
وْ هَاذْ الْمْسْلْمْ فْ خَطَرْ يْجْرِي يْلْهْثْ وْ يْعْرْقْ
بَاغِي للبْرّْ يْوْصْلْ فْ الْكَبْتْ وْ الْفْسَادْ يْعْلْقْ
وْ كْلْمَةْ حْرَامْ وْ حْلاَلْ كَانْتْ مَاضِي وْ فَاتْ
الفْسَادْ سَايْقْ الدَّلاَلْ وْ الضَّمِيرْ فِينَا مَاتْ
كُلّْشِي بَاغِي يْعِيشْ كُلّْ لْحْظْةْ فْ الْحَيَاةْ
وْ لِّيبِيدُو يْتْحْكّْمْ عْلَى الإِسْلاَمْ يْتْهْكّْمْ
الأَخْلاَقْ الْكَرِيمَة وَاشْ سَالاَتْ؟

• .................................من توقيع/المهدي العمري.