انت الميت..بقلم الشاعر صبرى أبوطالب..

انت الميت لا مش هو....من كلماتى ...إن شاء الله تعجبكم...تحياتى القلبية للجميع
-------------------- (تحية إلى أرواح شهداء الوطن).....
يا اللى بتشمت فى اللى
قتلته بخِسة و غدر
لما تموت مش هشمت فيك
ندر عليا ...بجد دا وعد

أصل لا يمكن أساوى ما بينكم
فرق السما و الأرض ما بينكم
هو شهيد بتحاوطه ملايكة
فوق فى السما زفوه بالورد
وانت طريقك سكته هالكة
أخرك ياكلك دود الأرض

انت جبان ...خاين متلثم
جواك غدر و غِل مكمكم
واللى غدرته ضحا بعمره
لله فوض سلِم أمره
راح فرحان لله متبسم

هو اتمنا شهادة ونالها
أعلا مكان فى الجنة دخلها
راح بشبابه ويا صحابه
حى ورزقه كله على الله
انت الميت...لا مش هو

بقلم الشاعر/ صبرى أبوطالب