يا شايف فالغرور نفسك
كفايا إصحي وصحي النوم
مابتدومشي ومش باقيه
ولا دامت لحد ف يوم
وشوف ب عنيك في ناس راحت
لا مال ف الدنيا نجاها
وبعد العظمه والقوه
تراب الأرض متواها
وشوف الحكمه وإتأمل
وشم الريحه وإتحمل
جسدنا بلبسه وعطوره
كريه الريحه ومهلهل
ومين دايم غير الدايم
وحب الخير وأعمالنا
وإيه الدنيا غير رحله
عشان نوصل حياه تانيه
وإيه فاضل غير السيره
دا كان طيب ودي أميره
وإيه الظلم غير سكه
أخرها المر والحيره
وإيه راح ناخده ويانا
قماش علي خشبه شايلانا
وليه بنقوي في قلوبنا
وبنمرر في دنيانا
- بقلم عماد وهبه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.