لسه الحياه
***
اذا كل السُبل
واتسدت
وقلاع من امان
و اتهدت .
لو كل الزهور
دبلانه
وعيون الصغار
زعلانه
***
ولو كل الدروب
بتووه
أو خان العهود
مشبوه .
اذا حلمك ازاز ؟!
لو مرمر ؟!
أو فص لولى
اتكسر ...
***
انفض غبار يأسك
انهض وقوم دور
عن حلمك التانى
عن شمعه بتنور ..
***
ازرع بذور همّه
ازرعها و اتمنّى
اكسر سكات ليلك
بحكايه و كمنجه
***
عطّر شذا ورده
حارب ظنون بكره
أو حب من تانى .
لسه الحياه حلوه ..
ربك كبير والله .
*******
- بهاء اللبودى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.