انتهى الدرس بقلم طارق السيد

إنتهى الدرس ياغافل
ياعنب الشام يايلح اليمن 
يامحروم يانا من الإتنين
مافيش فى حياتي غير الأحزان 
وعذاب وآهات ودموع العين
بحر وموجو بيضرب فيا
موجة ورا موجة والموجة عفية
وسما مليانة صقور ونسور
وانا طير مجروح وجناحي مكسور
مش عارف ليه أنا عيشتي ف غم
وليه الهم ما راضى يتلم
دنيا وطاحنة ياناس فى عضامي
ماشوفت بصيص من نور قدامي
نمت ودمع الذل فى عيني
أتمنى فى حلمى السعد يجيني
طيف صحاني وقاللي ياغافل
صلي الفرض وصلي نوافل
يالمكفول أذكر فى الكافل
تلقى الخير جايلك فى قوافل
دا اللي لسانه مايذكر ربه
عيشة الضنك بسيفها تحاربه
قمت يسرعه أتوضى واصلي
وأدعى لربي يعيني تملي
لساني وقلبي يعيشوا بذكره
أصد فى شر شيطاني ومكره
ياللي فهمت الدرس إفتكره
وياللي ماتفهم درسي تذاكره
بقلم طارق السيد

אהבתי

הציגי רגשות נוספיהגיבי