- الشاعر المصري / احمد ابراهيم
- ****************************
- فى قصيدة / ( رصاصة موت ) تحياتى للشعب الفلسطيني
- ******************************
- رصاصة موت فى قلب
- جريح من الاوّل
- ومات الصوت معه وبموت
- بألف رصاصه تتصّوب
- على قلبي على حلمى على فجرى
- وليل الظلم بيطوّل
- م قولتش اه على المي
- معايه الحزن م الاوّل
- وايه باقي وايه هيكون
- فتات م الفجر ومظلّم
- وانا المقتول ده قبل الموت
- من الاوّل
- عروبتي سراب فى ليل كداب
- شيطان وف ليلي متسوّل
- بصرخة صوت بنادي الصم
- ومين يسمع ومين سامع من الاوّل
- انا المقتول فى درب الغدر
- ياعابر م الحدود سلّم
- على روحي ما ذاد نوحي
- ودمعه ف عيني تتكلّم
- رصاصة غدر وف قلبي
- ولسه قلبي متألّم
- يا عابر امتى هتجينّي وتحمينّي
- انا العربي فلسطيني
- وده اسمي على جبينى ومعلّم
- رصاصة موت ياريت هتفوت
- وتكتب يوم على قبري حروف بالعربي
- مش عبري
- عليا ف يوم هنا تسلّم
- انا الميّت وانا المدبوح من الاوّل
- صرخت بصوت فى لحظة موت
- ولا صوتى فى يوم حوّل
- ولا حرّك فى يوم احسسكو م الاوّل
- عشان احساسكو ده تافه اكيد ميّت
- زمان الغدر متسيّب
- وانا المقتول بحلم الفرح
- وفين الفرح متقيّد
- رصاصة وصرخه وبتحكي
- وقلبي بعد عمر قصير
- بيصرخ لسه وبيبكى
- ومات الحلم من بدري
- واه م الحلم يا عابر
- ماكنت كتير انا الصابر ولا عاجب
- تغيب الشمس يا عابر ولسه انت بتكابر
- يروح مايروح هنا عمري
- ولا ليا ف يوم فاكر
- انا المقتول ولسه بقول
- ومين يسمع ف يوم صوتى
- خلاص الصوت هنا بيموت
- رصاصة ف قلبي كان موتى
- ياعابر لو عبرت ف يوم
- هتلقي فى الفضا صوتى
- اه ه ه ه ه ه ه ه ه ه ه ه ه
- هتلقي ف الفضا صوتي
- ************************
- الشاعر المصري / احمد ابراهيم
جريدة رواد الغد الثقافيه رئيسا مجلس الادارة م/علاء العجمي أ/نداء الرؤح
الاثنين، 23 مايو 2016
رصاصة موت .. بقلم : احمد ابراهيم
الاشتراك في:
تعليقات الرسالة (Atom)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.