- ليه دموعى رافضة تنزل ؟
- والألم جوايا أكبر
- كل ما افكر اسامحك
- ألقى جرحك لسه أخضر
- والحياة رافضة تغنى
- غصب عنى
- افتكرتك حته منى
- بس فى الأخر ظالمنى
- وكفيانى ما عدتش أقدر
- الألم جوايا دمعة
- واقفة جوا القلب سامعة
- عارفه إنها يوم ما تطلع
- ممكن أغفر
- بس أعمل إيه يا قلبى
- نفسى اسامحك
- أنسى جرحك
- وافتكر بسمة ملامحك
- بس جرحك ليا أكبر
- جرح قلبى كان كرامة
- سابلى مية مليون علامة
- وانت وعدك ليا ياما
- إن حبك ليا يكبر
- بس قولى إيه جنيته
- إن حبك كان فى قلبى زى بيته
- إن قلبك باع مشاعرى واشتريته
- بس قولى هو قلبى فى مرة قصر
- ليه خالفت العهد بينا ؟
- ليه دفنت الحزن فينا ؟
- ليه تخلى القلب مآوى ؟
- لكل أيامنا الحزينة
- افتكر إنى بحبك
- بس جرحك ليا أكبر
- الشاعر / ناصر عبد المقصود
جريدة رواد الغد الثقافيه رئيسا مجلس الادارة م/علاء العجمي أ/نداء الرؤح
الجمعة، 27 مايو 2016
ليه دموعي رافضة تنزل ..بقلم : ناصر عبد المقصود
الاشتراك في:
تعليقات الرسالة (Atom)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.