هجرت الأهل .. بقلم : ميلاد نيقولا

هجرت ألأهل ...

• .........
• هجرت ألأهل والدار وبلادي  وأصحابي
• وقلنا كم سني منغيب  ومنرجعِ لضيعتنا...
• مرِّتْ سنين كتير بعيد ... و طَوَّلِ غيابي ...
• وبعدو هالوطن عتبان ناطر يوم رجعتنا...
• ..........
• طال الهجر والشوق  زاد لْجَمعةِ حبابي
• ولْضيعتي الجميلة دروبها و جَوْ حارتنا ...
• شنتة  الدَّوَا  .... أكبر من شنتة تيابي ...
• لما رجعنا للوطن  من بعد طول هجرتنا...
• .......
• راح  العمر هجران ... و سنين شَبَابي ...
• و قلنا إنشالله هالوطن بيصح قبل عودتنا
• لَمَّا ألوطن  يخْلَصْ من حكام  نصَّابي ...
• بِتْجَلِّسِ ألأحوال ... بربوع  أرزتنا ...
• ......
• دياب السياسة  فالتة عَ طول بالغابي/ة
• بغابة هالوطن هَجَّروا شبابنا وثروتنا ...
• قلبي لأرضي ... والروح بتحن لترابي ...
• إنشالله البلد بيصح وبيفرح  بجمعتنا ...
• .......
• ميلاد نقولا مالبورن استراليا