يامين يوصلني..بقلم حسن الليثى..

..... ** يامين يوَصَّلنى ** ........
إزاى أروح للفَرح ..... والقلب مِتجَرَّح
وإزاى أداوى الجرح ..... وأنا كُلِّى مِتشرَّح

ومنين أجيب الفجر ...... والليل محاصرنى
والليل جايبلى الهجر .... و الحُب آسرنى

والنور أجيبُه إزاى ..... والبدر مش طالع
وأحضن هنايا إزاى .... والشمع مش والع
حظى وحلمى الجاى .... مش شايفُه فى الطالع

ماشى أنا فى طريق ..... والضلمه حاوطتنى
مش لاقى أى صديق .... يوفى .. ويثبتلى
ولا لاقى أى رفيق ..... يلحقنى .. ويغيتنى

والحظ أجيبُه منين ..... أو إمتى يوصلنى
والحُب أروح له منين ..... يا مين يوصَّلنى

....... بقلمى / حسن الليثى .......

....... كلماتى .. مع تحياتى .......
........ وأرق أمنياتى وخالص دعواتى .......