برغم انه في صوره صامته
شوفت ضحكه مابين شفايفه
شوفت عينه بتنده ليا
اكن انا كل حبايبه
شوفته اكنه معايا حقيقي
برغم انه في دنيا تانيه
رق قلبي ودمعه نزلت
مد ايده مسحها ليا
قولت المس ايده يمكن
يهدي شوق قلبي وعنيا
جالي طيفه وقاللي روح
صلي وادعيلنا سوا
سمعت منه وقولت ابوح
في سجودي وانا في الصلاه
حس قلبي براحه كبيره
بعد صلاتي ولسه شايفه
الفرحه كده ماليه الصوره
والضحكه لسه مابين شفايفه
بتمني انا من كل قلبي
الفرحه تبقي__الرحمه يارب
والضحكه جنه..عرضها السما والارض
#يارب..
رحمة الله عليك اخي..
بقلمي/ ماهر البساطي..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.