- -----------------قال يا دار-----------------------
بعد ما أهلك فاتوك ما فيك أنسان
والعنوان ما أصبح هو العنوان
يا خساره على اللى باغ ببلاش
وعاش حيران فى دنيا الأوهام
يا خساره على اللى راح ومجاش
قال يا دار سكن فيك الغربان
قطر الحياه فى طريقه ماشى
داوى الجراح وأملك أحساسى
يا ريت ما بعت ببلاش يا ناسى
الغربه خذتنى ومات فيها نبضى
كنت فاكر الدنيا دائمه يا تعب أنفاسى
قال يا دار سكن فيك الغربان
والحزن سكن فى فكرى وخيالى
كفايه أنا عاوز أرحل لكوكب ثانى
يشعر أنى تعبت ومن الهم بعانى
يرحم دموع عينيه ليه عيون الزمن ناسيانى
ونجوم الليل هيه بس يا ناس فاكرانى
قال يا دار سكن فيك الغربان
أصبر ولا خلاص تاه يا ناس منى مكانى
والأه جوايا هى سفينتى فينك يا أوطانى
بحلم ببكره يمكن أكون أنسان ثانى
وأكتب لزمان أنه فى ناره أنا بعانى
يا صبح بكره جاى ولا ولا الظلام كاسيك
قال يا دار سكن فيك الغربان
وكأس المر بقى لكل وحدانى
بحلم والحلم مرسوم جوايا
يمكن تبتسم الحياه لى مره وأنسى كل أحزانى
وأعيش والبسمه تترسم على شفايفى من ثانى
أصبر يا صبر يمكن تدق بابى ودمى يجرى فى شريانى
قال يا دار سكن فيك الغربان
الشاعر / على فياض البلصفورى
قطرات الندى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.