- الحنين
ولا شوق طول السنين فيها احاسيس مش كلام
فيها بيحس الجنين حضن امه فيه وئام
حضن عمره ماكان ضنين فيه موده واحترام
الحنين يعنى اشتياق كلمه ليها فروع كتير
فيها شىء حلو المذاق بحر مشتاق للغدير
والحنين عكس الفراق والفراق ده شىء خطير
يمكن احن لشخص غالى ؟ او لوطن عنى بعيد
او لنجمه فى العلالى او لرأى يكون رشيد
او حبيب هو امالى ويوم لقانا هايبقى عيد
او احن لشمس تسطع نورها يملى الكون شعاع
او قمر فى سمايا يطلع وافرد قلوعى كالشراع
الحنين يعطى مايمنع فيه لقاء وبدون وداع
هذا هو الحنين الى اعرفه
شعر احمد اسماعيل \شاعر العرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.