فين الثقافة فين..بقلم الشاعر سيد البالوي..

1. فين الثقافة فين ؟
2. قصيدة للشاعر الناشط الثقافي سيد البالوي
3. شاعر بيسأل كلمته
4. والكلمة خارجه من أزيز
5. ليه النبوة بتنتحر ؟ 
6. والانتحار اصلا عزيز 
7. ليه السفينه استبدلت
8. نوحها بأسيز ؟
9. ليه اللى عايز يسألك
10. بيقول بليز ؟ 
11. هو احنا فين! ولا احنا مين!
12. ولا احنا احنا ف احننا
13. مفيناش فطين؟
14. مفيناش منابر تنتبه؟
15. ولا ناس بتسأل نفسها
16. فين الثقافة فين ؟
17. عاملين لروحنا ميت هرم
18. والاف مبانى من قصور
19. لا ف يوم بتفتح قلبها
20. ولا يوم بتسمعنا الصخور
21. بايس اديك وجبين جنابك
22. يا أمل خليك صبور
23. خلينا نيل عمال بيصرخ
24. من زمن ليه لوثوه؟
25. خلينا جيل عمال بيترجى
26. البشر لو يسمعوه
27. خلينا عيسى اللى انظلم
28. علشان نعود زيه ف يوم
29. خلينا موسى والعصا
30. خلينا بركان اللهب
31. خلينا احرف من ذهب
32. مهما نشوف ضلمه نشوف
33. بايس اديك وحياة جنابك
34. يا أمل خليك صبور
35. خليك معانا ف صبرنا
36. يمكن نكون للضلمه نور
37. يمكن نبين
38. يمكن نلاقى صوت يساند صرخنا
39. فين الثقافة فين ؟