اصعب فراق بقلم رمضان علي

=====اصعب فراق=====
يا لحظة زايدة فى قساها 
عشتها وانا معاها 
وان نسيت عمرى كله 
ابدا ياروحى ما انساها
لمافتحت رموش عنيها
والدموع عالخد سايلة
زى وردة الصبح بدرى
على ورقها سال نداها
لما قالت كلمة واحدة
مش ممكن افضل معاها
الكلام عنى اتمنع
وكأنى فقدت السمع
وبقيت عايز اسأل
حتى سؤالى ما بيتسمع
كنا زى اتنين فى غربة
وانصدمنا بلحظة صعبة
والحقيقة اننا
جوة الزمان
كنا بعاد عن بعضنا
ساعتها نسيت هى مين
وهى نسيت مين انا
وكل واحد مشى فى طريق
من نغير ما نعرف
ليه الطريق تاه عننا ؟
يا لحظة زايدة فى قساها
عشتها وانا معاها
وان نسيت عمرى كله
ابدا ياروحى ما انساها
=====رمضان على=====