"عجزت بدري" بقلم الشاعر / علي سليم

"عجزت بدري"

كل وصفات الحكيم

مفيهاش دوا

حتي روشتات الطبيب

مفيهاش مضادات للزعل

يا من فعل او افتعل

ربك جعل للكون مواعظ ف الخﻻيق

وهداك طريق للتوبه وعبور الصراط

والنجاه من العذاب

جمب النبي يوم الحساب

#عجزت_بدري

انت اللى

سبت الحلم خدعك

وانت اللى

سبت الظلم ردعك

ليه بس

سبت العمر راح

وبعد ما ثارو الشباب

مازلت واقف

ف الخرابه لوحدك

وانت اللى كنت توزع الضحكات

تقول قفشه

تضحك ناس

برغم انك

ف نفس الوقت معمل حزن من جواك

وفي قلبك شروخ كسراك

وجع بيئن يادوبك لسه

تحت السن

يطوف جوه الربوع

ويطن

ويثبت ان قلمك رق

وقرر يوم يقول الحق

سمعت صوت

صحوة ضميري بينتفض

ويقولى ﻵء

ﻻ سمعتله وﻻ ميلتله

وﻻ حتى بيبنى وبين خيالى

ف السجن بتطول الليالي

الخوف وموت صبري ندالى

وخﻻهالى متدورش زء

حاولت احاول

بالمراوغه والبﻻغه

والتﻻعب بالكﻻم

انى اقدر صوت ضميرى قبل مايفوت اﻻوان

بس المصيبه

كان عنده حق