يا بحر مليان بالحكاوى
....يابو السهر
.. يابو الغناوى
مدك وجزرك هدنى
......والموجة فيك بتشدنى
اغرق معاك ..واروح هناك
......معرفش فين ........
يابو العيون النعسنين
.....والكل بيك متعلقين
بتفيض غرام بتفيض حنين
....انت الحنان .....
وانت الانين
طب القلوب المجروحين
طالت سنين ...فاتت سنين
واحنا الحيارى المحرومين
...وانت اللى مالى دنيتى
......وحقول لمين ........
شربنا كاس الشقينين
مهما ارتوينا عطشانين
ورد الربيع الدبلانين
......مين السبب ؟
انا ؟
ولاانت ؟
ولامين ؟
ولا ضحايا كلنا لظلم السنين ؟....د .احمد عبد الرحمن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.