ذكرى أم..بقلم ناصرالسيد عبدالرحيم..

ذكرى أم
لما الفراق يكون مكتوب
والموت يدق الباب
ويخطف نور العين
وياخد اعز الاحباب

يامه العمر
بالساعة محسوب
ولوكان بيدى
كان بدالك اموت
بس العمرة يامة
مكتوب

اه والف اه
يامه مالفراق
امر من العلقم
الدمع من فراقك ما جف
من بعدك كترت همومى
ولا لاقى حد يشيل
فين الحنين والحب
والصدر الى كان بيت
يجمعنا جواه ويلم
بكلمة
ود وحب تلم اللمة
والضحكة تعلى تفرحنا

عيدك قرب يا امة
لمين هجيب هدية
لا عمة تسد ولا خالة
ولا اخت حتى بدل امى
فين ايدك تطبطب
وفى برد الشتاء
سهرانة
تغطى وتدفى
موت يامه قسمنى
كتير كنا بنقسى
ونغيب ولا نسال
ولما العوزة تحوجنا
نجيلك يامه ونطلب
تقولى عنية
وتدى من غير عتاب
لا يوم عتبتى ولا لمنى
راحت خلاص اللمة
والبركة راحت يامة
والدنيا دوختنا
وهممها دوبتنا
حتى السؤال مبقاش
لسه فكرة العيد اللى فات
الكل بيجيبو الهداية
وانا رايحة اجبلك
كفن
الكل بيهنو بعضهم
وانا اللى رايحة
ادفنك

وحشانى يامة
ومش نسيكى
انساكى كيف
وانت العين والننى
وجو قلبى

اه يامة
وكأن الدنيا مستنية
موتك تربينا
وتدينا وتشيلنا
من الهموم وتكيل
وكانك كنت منعاها
وولادى جونى
يسالونى فين الجدا
ليه طالت غبتها
نزلت دموعى
معرفت ايه اقول
وقف الكلام وسكت
ودعيت وقلت يارب
مع النبي
وخديجة فى الجنة
سكنها

شعر ناصرالسيد عبدالرحيم