رص كلام بقلم محمد العربي

رص كلام 
رص الكلام حرفنه 
بيزوَق المعنى
و الكلمه عا وزه الغنا 
بس اللى يسمعنا 
احساس و من قلبنا
صادق و بدموعنا
الكلمه لو طيبه
بالحب تجمعنا
يا معلَمين بالكلام
برضه الكلام آسى
فيه كلمه تجرح أوى
فيه كلمه بتواسى
فيه كلمه ذيى الرصاص
طايره و عالماشى
بتهز قلب الحجر
واللى م يسواشى
ابن البلد بالادب
يتحللا بالطيبه
لو يرضى بالمقسوم
يبعد عن العيبه
مخلص و طبعه الوفا
عايق و له هيبه
و كلامه ذيى الدهب
والأصل من طيبه
بقلمى \ محمد العربى