☆( عيشه صعبه )☆
كفايه يادنيا ماتفتريش
إحنا مش عارفين نعيش
عايشين فيكي ذل وقهر
ومش لاقين رغيف العيش
العيشه صعبه وبقت نار
كل شويه ترفع الأسعار
ومحدش بيسال فينا
وإلهم راكبنا ليل ونهار
غلوا علينا حتي السولار
وع البنزينه واقفين طابور
بنقف عليها بالساعتين
لما بيجى علينا الدور
رفعوا علينا سعر الدولار
كل شويه ف الصعود
ومش عارفين ناخد قرار
كل حياتنا بقت سدود
الغنى عايش ولا هموا
وكل حاجه بين إيديه
والغلبان بيمصوا ف دمه
ومين راح يسأل عليه
عايز تعيش خليك نمله
واحفر لك شق ف جدار
وماتفكرش تعلي صوتك
خليك بعيد عن الانظار
☆☆☆☆☆☆☆☆☆☆؛
مبروك علوه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.