جويا شيئ مش عارف أقوله
لنا فاهم عرضه من طوله
اشفها أحس أني من زمن تأني
امشي خطوتين أقول أحسن أنى وحداني
تبصلي ساعات تبتسم والفرحة جواها
وساعات القيها سنين الحزن وخدها
وأنا لا ليه شط أنا تايه وسط الناس
بحلم أكون فارس وأنا مملكش لجامه
أنا وهى أتنين مظلومين
جات علينا الدنيا سنين وسنين
يمكن لو لقت طرقها ما ترضى تقرب
ويمكن لو لقيت طريقي أنا كمان اغرب
حبيت الحزن يمكن عشان خالنى
وحداني واللقى في عنيها الامانى
ياللى تعرفوا لغة العيون قوللي
لما عين تلمع بالحب والأمان
لما عين تعشق تشوف إنسان
دى عشق دى ولا جنان
ولا رغبه فى خلاص من حزن مكنون
ليه صديق كان ليه زمان جرح
لما حكيت ليه انى بحس في عنيها الفرح
قالى ما يداوى جرحك غير قلبها
دى عيونها كشفت سرها
أذي أوهبها الفرح وأنا معرفوش
أذي أوهبها الأمان وأنا محستوش
فاكرين أني بقولكم كلام
دي فضفضة من القلب في لحظه هيام
وتفضل شيئ جويا عمري ما قلتوش
واستنا يمكن تتجمع الوشوش
بس نفسي يكون بقلب بشوش
مش اتنين ضحايا وحوش
هربنين من قسوة الأيام
لا اتنين تجمعهم الاحلام
ولغاية ما يجي المعاد أو ميجيش
أدينا في الدنيا شيش بيش
صدقوني لا املك قرار
لا قادر أنسى ولا اختار
دنا لسه بقلب النار
ماضي كان كله مرار
مستقبل ما اعرف اختار
بقلم / محمد رمضان ابو أدهم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.